Txapelketa Formigaleko pistetan jokatu zen baldintza klimatologiko oso kaskarrekin
Formigaleko (Huesca) eski-instalazioetan eski alpetarreko Espainiako Txapelketa Inklusiboaren bigarren proba egin zen asteburuan.
Aipatzekoa da Zuzenak taldeko Rubén Viso eta Óscar Majuelo kirolariek dominak lortzeko itxaropen handienarekin joan zirela. Rubén Visok bi urre eta Óscar Majuelok zilarra lortu zuten. Larunbatean jokatu zen SG (Erraldoia) eta igande goizean egin zen SL (Slalom) proben aurreko gailurrean baldintza klimatologiko txarrekin topo egin zuten.
Egun grisa, elurra pilatuta pistetan eta ikuspen gutxirekin, Ruben Visok eta Oscar Majuelok aurre egin zioten ‘Erraldoi’ kategoriako inaugurazio egunean. Hala ere, bi kirolariek eskian duten trebetasuna erakutsi zuten, proba erori gabe gainditu eta bukatzeko, nahiz eta "nahi genituen denborak ez egin, sufritzen jakin dugu eta nahi genituen dominak eraman ditugu", adierazi du Ruben Visok txapelketaren amaieran.
Jardunaldia amaitzeko, talde gasteiztarreko kirolariak podiumera igo dira, ‘Erraldoi’ proban. Era honetan, Espainiako Kopa Inklusiboaren lehen jardunaldian Baqueira Bereten (Lleida) lortu zituzten sentsazio onei jarraipena eman diete.
Igandean, Slalomeko proba jokatu zen, baina meteorologiak ez zuen aldaketarik eragin aurreko jardunaldiarekin alderatuta, eta eguraldi txarraren ondorioz, Oscar Majuelok ezin izan zuen gailurrera iritsi eta ondorioz, txapelketatik erretiratu behar izan zen, inaugurazio ekitaldiko urrea berresteko aukerarik gabe.
Ruben Visok aldiz, Formigaleko pistetara sartzeko aukera izan zuen, Espainiako Txapelketa Inklusiboaren bigarren jardunaldian parte hartzeko eta Slalomeko (SL) saio bikaina egin zuen. Horri esker, podiumaren gorenera igo zen urrezko domina eskuratuz.
Bigarren jardunaldi honek sentsazio oso onak eta Zuzenak taldeko kirolarien lan bikaina uzten ditu. Viso eta Majuelo hazten, ikasten eta lehiatzeko gogo askorekin jarraitzen dute.
Gogoratu behar da Espainiako Kopa inklusiboa lehiaketa integratu bat garatzeko helburuarekin sortu zela, nazio mailan erreferente izan nahi duena, elkarbizitza sustatuz eta kirolaren bidez hain desiratua dagoen normalizazioaren bila. Horrela, kirolari guztientzat erreferente izateaz gain, hainbat kirol-diziplinatan ikusi nahi dugun errealitatearen isla izan behar du, eta desgaitasun fisiko, intelektual edo sentsorialaren normalizazioa zein garrantzitsua den jabetzeko balio behar du.
Espainiako Kopa Inklusiboa martxoaren 16an eta 17an amaituko da Sierra Nevadako (Granada) instalazioetan.