Zuzenak Itxaropena emakumezkoen Goalball txapelketako txapeldunordea

Talde gasteiztarrak Aragoi txapeldunarekin eta Madril/Valentzia konbinatuarekin partekatu zuen podiumeko hirugarren postua.

Familiarra da Julio Roca Jarduera Fisiko Egokituaren Zentroan jokatu den emakumezkoen goalball txapelketa hau definitzen duen hitza. Emozioz beteriko jardunaldia izan da, eta kirol honetan benetako berdintasuna aldarrikatzeko balio izan du, baita larunbat osoan zehar jolas-pistaren alboetatik animatzeko eta gozatzeko bildu den publikoari ezagutarazteko ere.

Emaitzak alde batera utzita, Mada Cariñanos Zuzenak Itxaropeneko teknikariak nabarmendu nahi izan du "egun osoan zehar bizi izan dugun giro bikaina, kirolaz gozatzeko eta kirola sustatzen jarraitzeko gogo handia duten lau neska talde ikusi ahal izan baitira, nahiz eta, gure kasuan bezala, aurten ere zailtasunak izango ditugun, Liga Nazionalean lehiatzeko talderik ezin izan dugulako atera, araudia aldatu delako".

Madril/Valentzia, Hamaika Bilbo, Aragoi eta Zuzenak Itxaropenak goalball jardunaldi bizia eta lehiatua izan dute, eta, gainera, instalazioan sartu eta irteten ziren ikusleen ordezkaritza zabala izan da, 10:00etatik 17:30ak arte. Orduan, txapelketa amaitutzat eman da, eta garaikurrak banatu dira, Aragoi txapeldun gisa, Zuzenak Itxaropena bigarren postuan eta Madril/Valentzia hirugarren postuan.

Gateiztarrek hasiera eman diote txapelketari "Madril/Valentzia taldeari irabazita, ia hasieratik nagusi izan garen partida onean. Horren ostean, Aragoiko Espainiako egungo txapeldunekin egin dugu topo, baina ezin izan dugu ezer egin, eta, azkenik, Hamaika Bilbaoren aurkako derbi parekatu batean, finalera eraman gaituen bigarren garaipena lortu dugu, Aragoiren aurka ", adierazi du Cariñanosek.

Final horretan, entrenatzaile gasteiztarrak ez ohiko jokalariei aukera ematea erabaki du, beteranoak aulkian utzita, izan ere, "egunero gurekin entrenatzen duten neskak dira, baina ez dute ligan jokatzeko aukerarik". Cariñanosek nabarmendu duenez, "oso pozik nago guztiek egindako paperarekin. Gozatu egin dutela uste dut eta oso jardunaldi polita igaro dugu, goalballarekin gozatzeaz gain, urteekin mantendu nahi dugun tradizioa berreskuratu dugu ".

Horrela, Zuzenak Itxaropenak lehen harria jarri du, emakumezkoen goalball txapelketa berreskuratuta, kiroleko berdintasunari ikusgarritasuna eta benetako balioa emateko.

Emaitzak EMAKUMEZKOEN GOALBALL txapelketa

Zuzenak Itxaropena 6-4 Madrid / Valencia

Aragón 12-3 Hamaika Bilbao 

Zuzenak Itxaropena 4-10 Aragón 

Hamaika Bilbao 4-13 Madrid / Valencia 

Aragón 10-2 Madrid / Valencia 

Zuzenak Itxaropena 7-6 Hamaika Bilbao

Finala Aragón 10-0 Zuzenak Itxaropena