Fundación Vital Zuzenakek ezin izan zuen Sureste Gran Canariarekin (46-47)

Gasteiztarrek bigarren zati bikaina jokatu zuten, baina kanariarrak nagusitu ziren zonaldean duten potentziari esker 

Fundación Vital Zuzenakek eta Sureste Gran Canariak helburu bakarra zeukaten: Lehen Mailako sailkapeneko liderrak izatea. Kanariarrak porrotik gabe iritsi ziren partidura, joaneko partiduan gasteiztarren aurka garaipena lortu zuten eta.

Alejandro Albaina Fundación Vital Zuzenakeko entrenatzailearen hitzetan, norgehiagokak osagai guztiak zituen kantxan gozatu eta sufritu genuen partida ikusteko: "Ziurrenik denboraldi osoko partida polit eta zirraragarriena izan da, nahiz eta galdu". Azpimarratzekoa da arabarren bigarren zati bikaina eta azken minutuetan izandako kasta eta indarra, azken txistualditik 5 segundora berdinduta. Hala ere, kanariar handiak izan ziren partidua irabazi zutenak, 46-47ko emaitzarekin.

Hasieratik partida oso gogorra eta trabatua aurreikusten zen, saskiratze bakoitza landu behar izan zuten bi taldeek. Gasteiztarrek argi izan zuten partidua hasi zenetik erritmo altua ezarri behar zutela norgehiagokaren lehen uneetan, baina lehen laurdenak aurrera egin ahala, kanariarrak nagusitu ziren hasierako erritmoa motelduz eta kontraeraso bizkorrekin. Lehen laurdena 14-14 markagailuarekin bukatu zen.

Bigarren laurdenak bide beretik jarraitu zuen. Bisitariak hazten joan ziren eta eroso sentitu ziren Zabalaganako kiroldegiko parkearen gainean, atsedenaldian 8 puntuko alde nabarmenarekin gailendu arte, 20-28.

Aldageletatik igaro ondoren, eta entrenatzaile gasteiztarraren instrukzioak eta gero, partidua berdindu zen. Fundación Vital Zuzeakek erasoan erritmo azkarra eta defentsa gogorra ezarri zuen. Arabarrek denboraldiko bertsio onenetako bat berreskuratu zuten markagailua iraultzeko eta aurkaria kili-kolo jartzeko. Hirugarren laurden hau 31-37 markagailuarekin amaitu zen.

Dena erabakitzeke zegoen partiduaren azken 10 minutuetan. Fundación Vital Zuzenakek aurretik jartzeko jaurtiketa izan zuen azken minutuetan, baina asmatu ez zuenez, Sureste Gran Canaria izan zen elektronikoaren buru.

Hala ere, Ruben Visoren hiruko bati esker (gasteiztarren artean nabarmenena 16 punturekin), norgehiagoka berdinduta iritsi zen amaierarako 5 segundora, baina kanariarrek asmatu zuten azken jaurtiketa libre batek 46-47 gainditu zuen balantza bisitarien alde.

Fundación Vital Zuzenak orain hurrengo norgehiagokan zentratzen da, eta berriz ere uharteetara eramango du, larunbatean, martxoaren 2an, 19:00etatik aurrera, Tenerife Santa Cruzen aurka.

46. Fundación Vital Zuzenak (14+6+11+15)

Agurtzane Eguiluz (0), David Ramos (10), Ibai Castro (4), Iñaki Gandia (6), Laura

Ugarte (0), Martín Pérez (4), Naiara Rodríguez (2), Paulino Etoho (0), Rubén Viso (16) y Yerik Martínez (4)

47. Sureste Gran Canaria Santa Lucía (14+14+9+10)

Alexis Padilla (0), Ángel Silvela (8), Arturo Tavio (2), Carlos Vera (4), Elvis Urga (2), Francisco José Sarmiento (0), Joaquín Santana (0), Kaspars Turk (6), Luis Miguel Trujillo (0), Luis Roy (13), Pedro Jesús Suárez (0) y Yeison de Jesús Pérez (12)

Partzialak: 14-14, 20-28, 31-37, 46-47 bukaera